Azmoda ghrelo totkey

                                         ( آزمودہ گھریلو ٹوٹکے )                                                                                             

                                               ( آزمودہ گھریلو ٹوٹکے )

       کمزوری یا تھکن :

اگر کسی کو کمزوری یا تھکن محسوس ہو رہی ہو تو ایک گلاس پانی میں ایک چاۓ کا چمچ چینی اور چوتھائی چاۓ

 کا چمچ نمک حل کر کے پی لیں -ایک سے دو گلاس پینے سے آپ خود کو بہت بہتر محسوس کریں گے-

الٹی اور قے سے نجات :

اگر کسی کو الٹی یا قے ہو رہی ہو تو اس کے لیے پودینے کے چھے سے سات پتّے اور درمیانی سائز کی پیاز کو

 چوتھائی حصہ لے کر ایک ململ کے کپڑے میں باندھ کر کسی چیز سے کچل کر اس کا ایک چمچ رس نکال لیں اور

 مریض کو پلائیں -

اس کے پلانے سے الٹی اور قے بند ہو جاتے گی -

پرانے زخموں کے لیے آزمودہ لیپ :

           زیتون کا تیل --------200 گرام 

          شہد ------------------200 گرام 

           کلونجی ------------50 گرام 

     تیل اور شہد کو مکس کر لیں پھر پسی ہوئی کلونجی کو اس میں شامل کر کے مرہم 

    بنا لیں -یہ مرہم پرانے سے پرانے زخم اور خاص طور پر شوگر کے زخموں کے لیے مفید ہے -

     کھٹے ڈکار اور سینے کی جلن :

  جن کو کھانا ہضم نہ ہوتا ہو ،کھانے کے بعد کھٹے ڈکار اور سینے کی جلن ہوتی ہو  پیازکاٹ کر اس پر لیموں نچوڑ

   لیں اورکھانے کے ساتھ اسے کھائیں -

   اس سے ہاضمہ درست ہو جاتے گا -

    بچوں میں سانس کی بیماری کا گھریلو علاج :

  ہلدی ڈال کر گرم کئے  هوئے دودھ میں تھوڑا سا نمک اور گڑ ڈال کر پلانے سے بچوں کو سردی ،کف اور سانس

  لیتے وقت ہونے والی تکلیف میں افاقہ ہوتا ہے -نیز سانس میں بجتی ھوئی سیٹی بند ہو جاتی ہے -

          ناشپاتی کی چاٹ :

شام تین سے پانچ بجے کے درمیان دو عدد ناشپاتی کاٹ کر لیموں اور ہلکا نمک لگا کر اس کی چاٹ بنا کر کھائیں-اس

 چاٹ کےچند روز کے استعمال سے ہاضمہ کا نظام درست ہو جاتے گا ،اس کے علاوہ مثانے کی گرمی کے لیے بھی

 یہ چاٹ مفید ثابت ہوتی ہے -

      چکن  پاکس کے نشان ختم کرنا :

        کڑوے بادام  -----------تین عدد 

      اخروٹ کا مغز -----------ایک عدد 

      دیسی انگوری سرکہ ------------- ایک کھانے کا چمچ 

         دونوں اجزاء کو انگوری سرکے میں اچھی طرح پیس کرپیسٹ بنا کر چکن پاکس کے نشانوں پر لگا لیں -

        آدھا گھنٹہ لگا رہنے کے بعد اسے کسی کپڑے کی مدد سے صاف کر لیں -دو ہفتے اس عمل کو روزانہ دہرائیں -

        چہرے اور جسم پر جہاں نشان ہیں آہستہ آہستہ ختم ہو جائیں گے - 

     جسم کی گرمی دور کرنے کے لیے :

   جسم میں کسی باعث سخت گرمی ہو چکی ہو اور ہاتھ پاؤں جلتے ہوں تو خشک دھنیا اور مصری ہم وزن ملا کر 

  سفوف بنا لیں اور آدھا چاۓ کا چمچ دن میں تین بار پانی کے ہمراہ استعمال کریں - یا سبز دھنیا مصری ملا کر گھوٹ

    کر پینے سے جسم کی گرمی زائل ہو جاتی ہے -

                                                                                ( بحوالہ عبقری کتاب : مجھے شفا کیسے ملی ؟ )

        کھانسی کا میٹھا علاج :

     چینی ،سوکھا دھنیا اور چھوٹی الائچی -ھم  وزن گراینڈ کر کے پھکی بنا لیں -

     دن میں 3 بار 1 ، 1 چمچ کھا لیں ،کھانسی کے لیے لاجواب پھکی ہے-

  اگر بچے کو بار بار زکام ہوتا ہے تو ایک چمچ پانی میں ایک چٹکی جائفل پیس کر شہد ملائیں - بچے کو صبح شام

  چٹائیں اورزکام سے نجات پائیں -

    پسلی کا درد :

      اگر پسلی میں درد ہو رہا ہوتو ,

     کھانا کھانے کے بعد ایک گلاس گرم پانی  (جتنا گرم پی سکتے ہیں) پئیں -

     کھانے کے بعد یہ عمل دہراتے رہنے سے درد دور ہو جاتے گا -

      یرقان کا علاج :

     چار لہسن کے جوۓ پیس کر آدھا کپ گرم دودھ میں ملا کر پی  لیں -

    تھوڑا سادہ دودھ اوپر سے بھی پی لیں ،یہ عمل چار دن تک دہرائیں -انشاء الله افاقہ ہو گا-